 |
| တောင်ကုတ်မြို့ မှာအသတ်ခံရသူများ |
လူမြင်ကွင်းမှာ နာရီနဲ့ချီဖြစ်ပွားသွားတဲ့ သတ်ဖြတ်မှုမှာ တာဝန်ရှိသူတွေက ကြိုတင်တားဆီးရင် အခြေအနေအခုလောက်ဆိုးဝါးမှာ မဟုတ်ဘူးလို့ တောင်ကုတ်မြို့နယ် NLD အမျိုးသားဒီမိုကရေစီအဖွဲ့ချုပ် အတွင်းရေးမှူး ဦးခင်လှက ထောက်ပြပါတယ်။
"သေဆုံးသွားတဲ့လူတွေကို လူသားချင်း
စာနာတဲ့အနေနဲ့ ကရုဏာသက်တယ်ပေါ့ဗျာ။ ဖြစ်မှဖြစ်ရလေ၊ ဒီလိုမျိုးမလုပ်သင့်ဘူး။
ဒါဟာဒီလိုပဲရှိကြတာပဲ။ ဥပဒေစိုးမိုးမှုလိုအပ်တယ်။ ဥပဒေစိုးမိုးမှု မရှိလို့
အဲတာအဓိကပါပဲ။ ဒီဥပဒေကို ကိုယ်တွယ်တဲ့ သူတွေက တိတိကျကျ တာဝန်သိသိနဲ့
ဆောင်ရွက်လို့ရှိရင် ဒီလိုဆိုးဆိုးဝါးဝါး အခြေအနေတွေ ဖြစ်မလာပါဘူး"
ဒီလိုဖြစ်သွားတဲ့အတွက် သံတွဲကနေ ရန်ကုန်ကို သွားဖို့ပဲဖြစ်ဖြစ်၊
ရန်ကုန်ကနေ သံတွဲပြန်ဖို့ပဲဖြစ်ဖြစ် လမ်းမှာ တောင်ကုတ်ကို မဖြစ်မနေ၀င်ရတဲ့
အဝေးပြေးယာဉ်တွေကို အားကိုးနေရတဲ့ သံတွဲက အစ္စလာမ်ဘာသာဝင်တွေ
ခရီးသွားလာရေးအတွက်လည်း အခက်အခဲရှိသွားတယ်လို့ ဆိုပါတယ်။အစ္စလာမ်ဘာသာဝင်တွေဟာ အရင်က ခရီးသွားခွင့်ဗီဇာရဖို့ အခက်အခက်ရှိခဲ့ပြီး ဦးသိန်းစိန်အစိုးရ လက်ထက်မှာ အဆင်ပြေလာကာမှ နောက်ထပ်စိုးရိမ်စရာ ထပ်တိုးလာတယ်လို့လည်း ပြောကြပါတယ်။
တောင်ကုတ်နဲ့ သံတွဲမြို့ခံတွေ အချင်းချင်းလည်း အထင်လွဲစရာတွေ ဖြစ်လာရပြီး သံတွဲနည်းပညာကောလိပ်ကို ၁၀ ရက် ပိတ်လိုက်တဲ့အတွက် တောင်ကုတ်က ကျောင်းသားတွေ နေရပ်ပြန်လာကြရတယ်လို့ ဦးခင်လှက ပြောပါတယ်။
ရမ်းဗြဲမြို့နယ်၊ ကျောက်နီမှော်ကျေးရွာအုပ်စု၊ သပြေချောင်းရွာက အမှု၊ တောင်ကုတ်ဖြစ်ရပ်နဲ့ စစ်တွေမြို့ပစ်ခတ်မှုတွေနဲ့ ပတ်သက်ပြီး အမှုမှန်ပေါ်ပေါက်ရေးနဲ့ တရားဥပဒေနဲ့အညီ အရေးယူနိုင်ရေးအတွက် ပြည်ထောင်စုအစိုးရအဖွဲ့က စုံစမ်းစစ်ဆေးရေးအဖွဲ့ မနေ့က ဖွဲ့စည်းလိုက်ပါတယ်။ လတ်တလော တောင်ကုတ်မြို့အခြေအနေ အေးအေးဆေးဆေး ရှိနေတယ်လို့လည်း သိရပါတယ်။
RFA Burmese
အကြမ်းဖက်မှုမှာ မြို့လူထုပါဝင်ခြင်း မရှိလို့ တောင်ကုတ်မြို့ခံပြော
Reviewed by သစ်ထူးလွင်
on
08:39
Rating:
Reviewed by သစ်ထူးလွင်
on
08:39
Rating:
No comments:
Post a Comment