မိုးရေတစ်စက်ချင်းမှသည် ...ငြိမ်းချမ်းရေးဆီသို့

ယာယီစခန်းတစ်ခုမှ ကလေးငယ်တစ်ဦး နေ့လည်စာစားရန် ပြင်ဆင်နေစဉ်။
ဓာတ်ပုံ-အေအက်ဖ်ပီ

"စစ်တိုက်ဖို့ ဆုံးဖြတ်ချက်ချတဲ့သူတွေထဲမှာ မိန်းမတွေမပါပါဘူး။ တိုက်နေကြ တဲ့ စစ်ပွဲတွေတိုင်းမှာလည်း မိန်းမတွေ မပါပါဘူး။ ယောက်ျားတွေအချင်းချင်း မာန်မာနတွေ တိုက်ခိုက်နေတဲ့ကြားထဲမှာ ကျွန်မတို့မိန်းမသားတွေ ဘာကြောင့် အလွယ်တကူ သားကောင်ဖြစ် နေရလဲ"လို့ မေးလိုက်တဲ့ သူ့ရဲ့လေသံဟာ ခက်ထန် မာကျောပေမယ့် မျက်ဝန်းမှာတော့ မျက်ရည်တွေဝိုင်းလို့နေပါတယ်။
မေးခွန်းမေးပြီးတဲ့ တဒင်္ဂမှာ ဘာစကားမှ ထပ်မပြောနိုင်လောက်အောင် ငြိမ်သက်သွားပေမယ့် မျက်တောင်တွေကို ပုတ်ခတ်လိုက်ရင်း သူတို့ရဲ့ ကချင်ပြည် နယ် ခရီးစဉ်အတွေ့အကြုံတွေကို တက် ရောက်လာတဲ့ ဧည့်ပရိသတ်ကို တစ်ဆင့် ဝေမျှနေပါတယ်။
"စစ်ဘေးသင့်စခန်းတွေမှာ ကျွန်မတို့ အများဆုံးတွေ့ခဲ့ရတာက သက်ကြီးရွယ် အိုတွေ၊ အမျိုးသမီးနဲ့ ကလေးငယ် တွေပဲ။ အရွယ် ကောင်းတဲ့ ယောက်ျားတွေကို လုံးဝနီးပါး မတွေ့ခဲ့ရပါဘူး။စခန်းကို ထိန်းကျောင်းတာကအစ ထင်းခွေ၊ ရေခပ်တာအများစုကို မိန်းမတွေချည်း လုပ်နေရတာပါ"လို့ မနီမိုလှိုင်က ပြောပါ တယ်။
ဒါပေမယ့် ကချင်အမျိုးသမီးတွေဟာ အခုလို အခက်အခဲတွေကြားမှာ ဦးဆောင်နေရတဲ့ တစ်ချိန်တည်းမှာပဲ သူတို့ရဲ့ မိန်းမသား ဘ၀ကိုလည်း ပြန် လည် စိုးရွံ့နေရတယ်လို့ သူကဆိုပါ တယ်။
စခန်းပတ်လည်မှာ ကာရံထားတဲ့ တာလပတ်တွေက စုတ်နေပြီး အ၀တ် အစားလဲဖို့ ခန်းဆီးစတစ်စတောင် ခြား မထားနိုင်တဲ့၊ အမျိုးသား တွေနဲ့ ကြမ်း တစ်ပြေးတည်း အိပ်နေရပါတယ်။
"သတိထားမိခဲ့တာက စခန်းတွေမှာ ကလေးမီးဖွားနှုန်းတွေက အရမ်းကို မြင့်တာပဲ။ အလွန်အိုမင်းနေတဲ့ သက်ကြီး ရွယ်အိုတွေနဲ့ ကလေးတွေက ကလေး လေးတွေကို ပြန်ထိန်းနေရတယ်။ သုံးနှစ် လေးနှစ်ကလေးတွေက တစ်နှစ်၊ လသား ကလေးတွေကို ပြန်ထိန်းနေရတယ်"လို့ သူက ဆိုပါသေးတယ်။
ဒါ့ပြင် ကလေးငယ်တွေဟာ လုံ လောက်တဲ့ အာဟာရမရရှိခြင်း၊ ကျန်းမာ ရေးစောင့်ရှောက်မှု ချို့တဲ့မှုတွေကြောင့် နာမကျန်းဖြစ် နေကြပြီး တချို့ကတော့ အသက်ဆုံးရှုံးတာမျိုးတွေတောင် ကြုံ တွေ့နေရတယ်လို အဖြူရောင်တွဲလက် များအဖွဲ့ဝင်တွေက ဆိုပါတယ်။
အဖွဲ့ဝင်တစ်ဦးဖြစ်တဲ့ ကိုစိမ်းခက်စိုး ကလည်း "အဓိကကတော့ သူတို့ရဲ့ ပညာ ရေးပဲ။ ကလေး ၃,၀၀၀၊ ၄,၀၀၀ လောက် က ပညာမသင်ရတော့ဘူး။စာသင်နှစ် တစ်နှစ် နောက်ကျသွားပြီ။သူတို့ အိမ် ပြန်ပြီး ကျောင်းတက်ချင်တယ်။ ဒါပေမယ့် ဘယ်တော့မှပြန် ရမလဲဆိုတာ မသိ ပါဘူး"လို့ ကလေးတွေ လက်ရှိကြုံတွေ့ရ တဲ့အခြေအနေတွေကို ရှင်းပြပါတယ်။
စစ်ဘေးဒဏ်သင့် ကချင်ပြည်သူတွေ အတွက် အခုလို ခက်ခဲကြမ်းတမ်းတဲ့ ဘ၀ အခြေအနေတွေမှာ ရုန်းကန်နေရတဲ့ အခါ သူတို့မှာ ပျော်စရာဆိုတာ ဘာမှန်း မသိတော့တဲ့၊ ရယ်မောပျော်ရွှင်မှု ပျောက် ဆုံးနေတဲ့၊ ခံစားချက်မဲ့တဲ့ မျက်နှာတွေ လည်း မြင်တွေ့ခဲ့ရ တယ်လို့ သူက ဆိုပါ သေးတယ်။
ဒါကြောင့်လည်း ဒီမွန်းကျပ်မှုတွေကို ပြေလျော့စေပြီး သူတို့အတွက် ခဏတာ ဘ၀အမောတွေကိုပြေစေဖို့ အဖြူရောင် တွဲလက်များ အဖွဲ့ဝင်တွေဟာ ကချင် ပြည်နယ်ကို ချီတက်ခဲ့တာပါ။
မတ်လ ၅ ရက်နေ့ကနေ ၁၇ ရက်နေ့အထိ စစ်ဘေး သင့် စခန်း ၁၃ ခုက ဒုက္ခသည်ပေါင်း ၁၅,၃၀၀ ကျော်ကို တွေ့ဆုံခဲ့ပါတယ်။
သူတို့မှာ အလှူငွေများများစားစား မပါပေမယ့် သူတို့တတ်နိုင်သလောက် လေး ဝေမျှရင်းသွားရောက်တဲ့ တဒင်္ဂတာ အချိန်လေး အတွင်းမှာ လိုအပ်တာလေး တွေ ပံ့ပိုးပေးရင်း၊ မျက်လှည့်ပြ၊ သီချင်း ဆိုရင်း ကလေးတွေနဲ့အတူတူ ကစားကာ ကချင်ပြည်သူတွေရဲ့ ဒုက္ခတွေကို အတူတူ ဝေမျှခံစားပေးခဲ့ပါတယ်။
"ကြီးမားတဲ့ ရည်ရွယ်ချက်တွေကို စွဲ ကိုင်ပြီး မသွားနိုင်ခဲ့ပါဘူး။ စစ်ဘေးသင့် ကချင်ပြည်သူတွေအတွက် သယ်ဆောင် သွားနိုင်တာက စာနာမှုပါ။ သူတို့ဒုက္ခ တွေ၊ ပင်ပန်းမှုတွေကြားထဲက ကျွန်မတို့ ကို လှိုက်လှဲစွာကြိုဆိုခဲ့ပါတယ်။ အမြင့်ဆုံး သိလိုက်ရတာတစ်ခုက တော့ တစ်ခါမှမမြင်ဖူး မသိဖူးတဲ့ ဘယ် တိုင်းရင်းသားညီအစ်ကိုတွေကမှ တစ်ဦး နဲ့တစ်ဦး မုန်းမနေကြပါဘူး ဆိုတာပါပဲ" လို့ မနီမိုလှိုင်က သူတွေ့ကြုံခဲ့ရတဲ့ တိုင်းရင်းသားညီအစ်ကိုတွေရဲ့ သဘော ထားကို ရှင်းပြပါတယ်။
"သေချာတာကတော့ သူတို့ကို ကျွန်တော်တို့ ရယ်မောပျော်ရွှင်အောင် လုပ်ပေးနိုင်ခဲ့တယ်။ သူတို့ကိုယ်တိုင် နောက်တစ်ခေါက်ပြန် လာဖို့ ဖိတ်ခေါ်ခဲ့ တယ်။ ဒါကြောင့် ကျွန်တော်တို့လည်း မကြာခင်မှာ ပြန်သွားဖို့ စီစဉ်နေတယ်။ ဧပြီလကုန်လောက် သွားဖြစ်မယ် ထင်ပါ တယ်"လို့ ကိုဘိုဘိုက ပြောပါတယ်။
"ပထမဆုံး ခရီးစဉ်ဖြစ်တဲ့အတွက် အခက်အခဲ လိုအပ်ချက်တွေကတော့ ရှိပါတယ်။ ဒါပေမယ့် ကျွန်မတို့ အတတ် နိုင်ဆုံး လုပ်ဆောင် ပေးခဲ့တယ်။ ကျွန်မတို့ အားလုံး စစ်ကိုမလိုလားပါဘူး။ ငြိမ်းချမ်း ရေးကိုပဲ လိုလားပါတယ်။ ကချင်ပြည်သူ တွေအတွက် မည်သည့် ပုဂ္ဂိုလ် အဖွဲ့ အစည်းနဲ့မဆို ပူးပေါင်းဆောင်ရွက်ဖို့ အဆင်သင့်ပါပဲ"လို့ မဟန်နီဦးက ဆိုပါ တယ်။
အဖြူရောင်တွဲလက်များ အဖွဲ့ရဲ့ ကချင်ပြည်သူတွေအတွက် ဆောင်ရွက် မှုတွေဟာ ဘ၀တွေကို လောင်တဲ့မီး၊ နှလုံး သားတွေကို လောင်တဲ့မီး၊ ခေတ်တွေ ကို လောင်တဲ့မီးတွေ အားလုံးကို မငြှိမ်း သတ်နိုင်ပေမယ့် သူတို့တတ်စွမ်း သလောက်နဲ့ မိုးရေတစ်စက် အဖြစ်တော့ ဖန်တီးနိုင်ခဲ့ပါတယ်။
မိုးရေစက်တွေများလာပြီး စစ်မီးတွေငြိမ်းနိုင်ဖို့ တိုင်းရင်းသား ပြည်သူအားလုံးရဲ့ ပူးပေါင်းဆောင်ရွက်မှုတွေတော့ လိုအပ်နေဆဲပါ။

 အိအိတိုးလွင် (မြန်မာ့တိုင်းမ်)