 | |
| ညီလာခံတက်ရောက်နေတဲ့ လူထုခေါင်းဆောင် ဒေါ်အောင်ဆန်းစုကြည်(ဓါတ်ပုံ--Facebook) |
နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်သည် ရန်ကုန်မြို့တော်၊ မြန်မာနိုင်ငံ ဘဏ်များအသင်း အဆောက်အဦ၌ ပြုလုပ်နေသည့် အစိမ်းရောင် စီးပွားရေးနှင့် ဖွံ့ဖြိုး တိုးတက်မှု ဆိုင်ရာ နိုင်ငံတကာ ညီလာခံသို့ မနက် ၉ နာရီမှ မွန်းတည့် ၁၂ နာရီအထိ တက်ရောက်ခဲ့ကြောင်း အဆိုပါ ညီလာခံတွင် တက်ရောက် သတင်းရယူနေသူ The Voice Weekly အကြီးတန်း သတင်းထောက် တစ်ဦးက ပြောကြားသည်။
ဒေါ်အောင်ဆန်းစုကြည်နှင့်အတူ နိုင်ငံတော် သမ္မတ၏ စီးပွားရေးဆိုင်ရာ အကြံပေး ပုဂ္ဂိုလ် ဒေါက်တာ ဦးမြင့်၊ မြန်မာနိုင်ငံသို့ ခေတ္တရောက်ရှိနေသော ဒေါက်တာသန်းမြင့်ဦး စသည့် ပညာရှင်းများလည်း တက်ရောက်ခဲ့ကြောင်း ၎င်းက ဆက်လက် သတင်းပေးပို့သည်။
ယင်းညီလာခံ ဖြစ်မြောက်ရေးအတွက် ကုလသမဂ္ဂ လက်ထောက် အထွေထွေ အတွင်းရေးမှူးချုပ်ဟောင်း မြန်မာနိုင်ငံသား ဒေါက်တာ နေထွန်းဦးက မြန်မာနိုင်ငံသို့ ယခုနှစ်ဆန်းပိုင်းက အလည်အပတ် ရောက်ရှိစဉ် အစိမ်းရောင် စီးပွားရေးနှင့် ပတ်သက်၍ ညီလာခံ ပြုလုပ်ရန် ကမ်းလှမ်းခဲ့ရာ ပြည်တွင်း သဘာဝ ပတ်ဝန်းကျင် ထိန်းသိမ်းရေး ပညာရှင်များနှင့် ကျွမ်းကျင်သူများ ပူးပေါင်း၍ Convening Group ဖွဲ့စည်းကာ စီစဉ်ခဲ့ခြင်း ဖြစ်ပြီး အမေရိကန်၊ ဂျပန်၊ နော်ဝေ၊ အိန္ဒိယ၊ ထိုင်း၊ ဗီယက်နမ်၊ စင်ကာပူ၊ ဖိလစ်ပိုင်၊ မလေးရှား စသည့် နိုင်ငံတကာမှ ကမ္ဘာကျော် သဘာဝ ပတ်ဝန်းကျင် ထိန်းသိမ်းရေး အဖွဲ့အစည်းများ၏ ဥက္ကဋ္ဌများနှင့် ပညာရှင်များက ကိုယ်ပိုင် ကုန်ကျစရိတ်ဖြင့် လာရောက် ဟောပြော ဆွေးနွေးကြခြင်း ဖြစ်ကြောင်း Convening Group မီဒီယာပိုင်း ပြောရေးဆိုခွင့် ရထားသူ ဦးကိုကို (ကိုကို - စက်မှု တက္ကသိုလ်) က ပြောကြားသည်။
သတင်း--- The Voice Weekly
မြစ်မခ မှ ဓါတ်ပုံများကိုလည်း ဆက်လက်တင်ပြပေးလိုက်ပါသည်။
 |
| ယနေ့ နံနက်၉နာရီ၊ ရန်ကင်း၊ မြန်မာနိုင်ငံဘဏ်လုပ်ငန်းရှင်များ |
လူထုခေါင်းဆောင် ဒေါ်စု အစိမ်းရောင်စီးပွားရေးနှင့် ဖွံ့ဖြိုးတိုးတက်မှု အလုပ်ရုံဆွေနွေးပွဲ တက်ရောက်
Reviewed by သစ်ထူးလွင်
on
10:44
Rating:
Reviewed by သစ်ထူးလွင်
on
10:44
Rating:
No comments:
Post a Comment