ပြန်ရောက်ချိန် ကြန့်ကြာနေသော ရေလုပ်သားများနှင့် ပတ်သက်၍ ၄င်းအဖွဲ့ချုပ်မှ အထွေထွေအတွင်းရေးမှူးဦးဝင်းကြိုင်က ”ရေလုပ်သား ၁၃၅ ဦးကို အဲပုဂံစင်းလုံး ငှားပြီး ပြန်ခေါ်မယ်လုပ်ထားတာ၊ဒါပေမဲ့အိန္ဒိယ၊ ပို့ဗလဲမြို့မှာက အပြည်ပြည်ဆိုင်ရာ လေကြောင်းလိုင်းတိုင်း ဆင်းသက်လို့မရဘူး၊ အိန္ဒိယစစ်တပ်ဖြစ်နေ တဲ့အတွက် ကြောင့်ပါ၊ အခုပြန်ခေါ် မယ်ဆိုရင် မြန်မာ့လေကြောင်းလိုင်း နဲ့ခေါ်မယ်၊ အဲဒီအတွက် နှစ်နိုင်ငံ အစိုးရချင်းပြန်ပြီးညှိနှိုင်းနေပါတယ်” ဟု ပြောသည်။
အဆိုပါ ရေလုပ်သားများကို စက်တင်ဘာလလယ်တွင် အဲပုဂံလေယာဉ်ဖြင့် ပြန်ခေါ်မည်ဟု ပြင်ဆင်ထားခဲ့သော်လည်း လိုင်းပြန်လည် ပြင်ဆင်ပြောင်းလဲလိုက်ခြင်း ကြောင့် နှစ်နိုင်ငံ အစိုးရချင်း ပြန်လည်ဆွေးနွေးနေရ၍ ယခုကဲ့သို့ကြာမြင့်နေခြင်း ဖြစ်ကြောင်း အထက်ပါ အဖွဲ့ချုပ်မှ သိရသည်။
မြန်မာ့လေကြောင်းလိုင်းနှင့် ပြန်လည်ခေါ်ယူမည့် ကိစ္စနှင့် ပတ်သက်၍ ဝါရင့်လေယာဉ်မှူး တစ်ဦးက အိန္ဒိယနိုင်ငံရောက် ရေလုပ်သား၎ဝဝကျော်ကိုအောက်တို ဘာ ၂၄ ရက်တွင် ပြန်ခေါ်ရန်စီစဉ် ခဲ့သော်လည်း အကြောင်းအမျိုးမျိုး ကြောင့် ပြန်နောက်ဆုတ်လိုက် ကြောင်း ပြောသည်။
ဆက်လက်၍ ဦးဝင်းကြိုင်ကလည်း ”ရေလုပ်သားတွေ ဘယ်နေ့ ပြန်ရောက်မယ်ဆိုတာတော့ ရက်ကို အတိကျ မသိသေးပါဘူး၊ ဒါပေမဲ့ နိုဝင်ဘာလလောက်မှာတော့ ပြန် ရောက်မယ်ထင်ပါတယ်”ဟု ထပ်လောင်းပြောသည်။
၂ဝ၁၁ ခုနှစ် မတ်လလယ်က တိုက်ခတ်ခဲ့သောလေပြင်းကြောင့် ဖျာပုံမှ မျောပါသွားသော ကျားဖောင်ရေလုပ်သား ၁၃၅ ဦးသည် ၈ လကျော်ကြာမှ အိန္ဒိယနိုင်ငံ ပို့ဗလဲမြို့ ရောက်ရှိနေပြီး ပြန်မလာနိုင်သေးဘဲ ယင်းလေပြင်းကြောင့်ပင် သီရိလင်္ကာနိုင်ငံသို့ ရောက်ရှိသွားသည့်ရေလုပ်သား ၁၄ ဦးမှာ ပြန်လည်ခေါ်ယူနိုင်ခဲ့ပြီးဖြစ်ကာ ၁၁ နှစ် ခန့်ကြာမြင့်ခဲ့သည်။ အိန္ဒိယရောက် ရေလုပ်သား ၃ ဦးကိုလည်း သြဂုတ် ၁၅ ရက်က ပြန်လည်ခေါ် ယူခဲ့ ကြောင်း သိရသည်။ အိန္ဒိယမှ ပြန် လည်ခေါ်ယူရန် ကျန်ရှိသည့် ရေလုပ်သား ၄ဝဝ ကျော်တွင် မတ်လလယ်မှ တိုက်ခတ်ခဲ့သော လေပြင်းကြောင့်ရောက်ရှိ သွားသာ ရေလုပ်သားများနှင့် တခြားကိစ္စ ရပ်များကြောင့် ရောက်ရှိသွားသော ရေလုပ်သားများလည်းပါဝင်ကြောင်း သိရသည်။
ထက်ထက်မိုးမြင့်၊ ဝေယံမိုးမြင့်
လေပြင်းတိုက်၍ အိန္ဒိယသို့မျောပါသွားသည့် ဖျာပုံရေလုပ်သား ၁၃၅ ဦး လေယာဉ်အခက်အခဲကြောင့် ပြန်မလာနိုင်သေး
Reviewed by သစ်ထူးလွင်
on
15:06
Rating:
Reviewed by သစ်ထူးလွင်
on
15:06
Rating:
No comments:
Post a Comment